Khristo Lobmung 3


NONO CHWNG YACHAK SOGO

Nono chwng yachak sogo

Chini khaphang rw-o

Dophani bugra Nwng se

O hano mwthangnai se.

2. Langma Nwng le bebakno rwnai,

Chwng kebono si ya;

Mwnago chwng le naitugwi tong phru, (2)

Pohoro chwngno twi di.

3. O ha-o Nwng le phaija kha tini,

Bebak kobolnai se;

Aboni bagwi tongthokma bara, (2)

Bebakno manwi tongo.


UATWI HAI HAMARI NANGO

1.Uatwi hai hamari nango,

Abono hamjakma smai;

Kochomwi chini bwkha-o,

M’thangnaisa rwkhlaimani.

 

Uttwi hai hamari,

Uatwi hai ham’ri nango;

Khairokma chini saka-o,

Phai di chwng ham’ri sano.

2.Uatwi hai hamari nango

Kwtal khe Khristo thwi bai;

Lomphlaiwi twi rukung hathaiok,

Phai di kwsarwi ham’ri

3.Uatwi hai hamari nango,

Rohor di abo Subrai;

Tabuk kwtal khlai di chwngno,

Nin kok bai chwngsasa khlai.

4.Uatwi hai hamari nango,

Tini abo ua si thung;

Tabuk Kaitor chwng suri-o,

Jisu Nono ringo chwng.


BUGRA NONO HAMBAI RW-O

1. Bugra nono hambai rw-o,

    Podrepot hamari bai;

    Chwngno rw kha Subrai Jisu,

    Chwng man kha ‘mthangmnai kok;

 

     Nini thani hambai rw-o,

     Chamung nungmung kanmung bai,

     Nobar kwchang satung uatwi,

     Podrepot hamari bai.

2.  Nwng snammani manwi-khorang,

     Bebak bumul naithokma;

     Borok snamma bebak manwi,

     Nini aroni phai-o.

3.  Ano rw kha motharokno,

     Lama phehr yai tongna twi;

     Dukhu kosto bising twi se,

     Chuba naino snam rw o.

4. Thwimani bai kha nangjak phru,

    Ano rw kha chubanai;

    Poja twichurunairok bai,

    Hamjaknai ano rw-o.

5. Bugra Nono hambai rw-o,

    Nini ha sok phai sit hung;

    Kwtal khe snammani jora,

    Naisingwi chwng tong lai-o.


KHRISTO SIKLANO RINGO

1.Khristo Siklano ringo,

   Bahai chwng bono sa sinai;

   Chwng khnayaui tongnai de?

   Khristo siklano ringo.

2.Khristo siklano ringo,

   Sabo chubana thang mannai;

   Mwthangnaisani bagwi,

   Chwngbo phan tisa lainai.

3.Khristo siklano ringo,

   Sal thang rw rwk nwng khan si di,

   Khroksa swk tubunani,

   Khristo siklano ringo.

O SUBRAI ANG NONO HAMBAI RW -O

O Subrai ang Nono hambai rw-o

O Kaitor ang Nono lobwi rwchabo. (2)

1. Swngchar bai nokha swnamma paih wi,

    Sanam kha Nwng bai kosol khe, (2)

    Hambai Nono, hambai Nono,

    Hambai Immanuel Nono.

2. Sumsok bai kuplwng ani pholano,

    Mwthangna lama khwlai kha. (2)

    Pha, Sajla, phola k'thar bai,

   Chwngno baptisma rw kha. (2)